Առողջ ժպիտը՝ բժիշկ Էդուարդ Աղասյանի երաշխիքով…

Մարդու գեղեցկության գրավականը ժպիտն է և, իհարկե, գեղեցիկ ատամնաշարը:Այսօր journews.am-ի հյուրը բժիշկ-ստոմատոլոգ Էդուարդ Աղասյանն է:

-Ողջույն,բժի՛շկ Աղասյան:

-Ողջույն:

-Ինչպե՞ս եք:

-Լավ,շնորհակալություն:

-Շնորհակալ եմ իմ առաջարկը չմերժելու և ինձ ժամանակ տրամադրելու համար: Հիմա՝ տեխնոլոգիաների դարաշրջանում,շատ մեծ տեղ են գրավում սոցիալական կայքերը, և ուսումնասիրելով ձեր Instagram-ը՝ նկատեցինք,որ հետևորդների մեծ բանակ ունեք:Ներկա պահին ունեք մոտ 800 հազար հետևորդ,որը հայաստանյան պայմաներում,կարծում եմ՝ շատ է:

Բժի՛շկ Աղասյան, ես գիտեմ,որ Դուք ցանկացել եք աշխատել օդանավակայանում:Ի՞նչը Ձեզ ստիպեց ընտրել ատամնաբույժի մասնագիտությունը:

-Ընդունվեցի համալսարան՝ուսումս շարունակելու,դրանից հետո նաև կրթությունս շարունակել եմ որպես մագիստրոս և ասպերանտ:

Հետագայում Ռուսաստանում ևս կրթություն ստացա:Տարբեր երկրներում վերապատրաստումներից հետո շատ սիրեցի իմ մասնագիտությունը ու խորացա դրանում:

-Ե՞րբ է հիմնվել Vivaldi Dental Clinic-ը,և ինչպե՞ս է գաղափարը ծագել:

-Կլինիկան հիմնվել է 2018 թվականին: Հոկտեմբերին նշվեց Վիվալդիի 3 տարեկանը:Հիմնել ենք ես և ընկերս. գաղափարը ծագեց,իսկ մենք ռիսկի գնացինք, և սպասումները,ինչպես տեսնում եք,արդարացվեցին:Հենց այսպես էլ ծնվեց Վիվալդին:

-Դուք գրեթե 3 տարի է,ինչ համարվում եք «Տարվա լավագույն կլինիկան»,իսկ 2019 թվականին արժանացել եք «Խելացի մասնագետ» կոչմանը:

Դժվա՞ր չէ մշտապես առաջատար դիրքերում լինել:

-Միանշանակ շատ դժվար է,որովհետև մրցակցությունը մեծ է.մենք հիանալի մասնագետներ ունենք հանրապետությունում,շատ-շատ ատամնաբուժական հաստատություններ, և բացարձակ առաջատար լինելը դժվար է:Բայց ես ոչ ոքի ինձ մրցակից չեմ համարում՝ բոլորին միշտ մաղթելով լավագույնը:

-Ինչո՞ւ պետք է այցելել հենց Vivaldi Dental Clinic:

-Մենք ստեղծել ենք բոլոր մինիմալ պայմանները,որպեսզի հաճախորդը իրեն կաշկանդված չզգա,չլարվի.կլինիկայի աուրան վախեցնող չէ:Կլինիկան հագեցած է նորագույն տեխնոլոգիաներով,աչքի է ընկնում բարեխիղճ մոտեցմամբ և հաճախորդի գրեթե բոլոր ցանկությունների իրականացմամբ:

-Ի՞նչ պրոցեդուրաներ են արվում՝ բացի ատամնաբուժությունը:

-Բացի ատամնաբուժությունը կատարում ենք նաև կոսմետոլոգիական միջամտություններ,ներարկումներ:Ես ինքս էլ անում եմ ներարկումներ,բայց ունենք նաև կոսմետոլոգ:

-Որպես քաղաքի առաջատար մասնագետներից մեկը՝շա՞տ եք հանդիպել խոչընդոտների:

-Ոչ մի մասնագետ չի կարող հարթ ճանապարհ ունենալ,դրանք անպակաս են,բայց մշտապես փորձում ենք շտկել:

-Ձեր հաջողության բանաձևը համարում եք…

-Իմ հաճախորդի գեղեցիկ և առողջ ժպիտը։

-Եվ վերջում,ի՞նչ խորհուրդ կտաք Ձեր կրտսեր և սկսնակ գործընկերներին ու ապագա բժիշկներին:

-Լավ և լիարժեք ուսում,փայլուն ապագա այս ոլորտում: