Դեռ 1918 թվականի մայիսի 16-ին Հայաստանի նախարարների խորհուրդը որոշում է ընդունում Երեւանում համալսարան հիմնելու վերաբերյալ, իսկ 1920 թվականի հունվարի 31-ին Ալեքսանդրապոլի առևտրային դպրոցի շենքում տեղի է ունենում Հայաստանի համալսարանի բացման հանդիսավոր արարողությունը։
Առաջին ուսումնական տարում համալսարանն ունեցել է ընդամենը մեկ ֆակուլտետ՝ պատմալեզվաբանականը, 262 ուսանող և 32 դասախոս։ 1920 թվականի դեկտեմբերի 17-ին Հայաստանի համալսարանը վերանվանվել է Երևանի ժողովրդական համալսարան և արդեն 1923 թվականի հոկտեմբերի 20-ին այն ստացավ իր վերջնական անվանումը՝ Երևանի պետական համալսարան։ Հետագայում համալսարանում ձևավորվել են ավելի շատ ֆակուլտետներ, բացվել են մասնաշենքեր, որոնք մինչև օրս էլ գործում են։
2014 թվականի նոյեմբերի 27-ին ՀՀ կառավարության որոշմամբ Երեւանի պետական համալսարանը ՊՈԱԿ-ից վերակազմավորվել է հիմնադրամի։
Այսօր, 2022 թվականի մայիսի 16-ին, Մայր բուհն ունի 103 տարվա պատմություն։ 103-ամյա ԵՊՀ-ն շարունակում է կրթել շատ ու շատ նոր սերունդներ։
Մեկնաբանություններ