Խամաճիկների թատրոնում ամեն օր ասես հեծանիվ հորինեմ. Ռուբեն Աբրահամյան

Զրույց Խամաճիկների թատրոնի տնօրեն Ռուբեն Աբրահամյանի հետ

— Պարոն Աբրահամյան,ե՞րբ և ինչպե՞ս ստեղծվեց Խամաճիկների թատրոնը:

— Խամաճիկների թատրոնը ստեղծվել է 1987 թվականին: Այդ ընթացքում բացվում էին մի շարք թատրոններ `Փոսի թատրոնը,Մհեր Մկրտչյանի անվան թատրոնը,Մետրո թատրոնը:

Սա մի շրջան էր,երբ Երևանը լցվում էր,հագենում էր նոր թատրոններով,որովհետև պարզապես կարիք կար թատրոնների:

Հենց այս շրջանում էլ ստեղծվեց նաև Խամաճիկների թատրոնը: Իսկ արդեն մեր մասնագետների վերապատրաստումից հետո թատրոնը դարձավ ավելի լիարժեք:

-Իսկ ինչպիսի՞ն է այսօրվա Խամաճիկների թատրոնը:

—  Այսօրվա թատրոնը շատ է փոխվել:

Թատրոնը երեխաների համար վերածվել է օջախի: Հոսքը շատացել է,ներկայացումները շատ են:

Հիմնական ուղղվածությունը մանկական ներկայացումներն են: Մենք ունենք շատ կարևոր առաքելություն.երեխաներին դաստիարակել սիրել թատրոնը հենց փոքրուց,զարգանալ տարբեր ժանրերով:

Իսկ երբ երեխան ծանոթանում է տարբեր ժանրերի ներկայացումների հետ,ինքը տեսնում է տարբերությունները,սկսում է մտածել ու զարգանալ:

-Հիշու՞մ եք թատրոնի առաջին ներկայացումը:

—  Իհարկե հիշում եմ:

Թատրոնի առաջին ներկայացումը «Երեք խոզուկները» ներկայացումն էր:

Ավելի քան երեսունհինգ տարվա ներկայացում է.այժմ խաղացանկում չկա,որովհետև ժամանակներն են փոխվել, կյանքի ռիթմն է փոխվել,գույներն են փոխվել….Սակայն տիկնիկները պահպանվել են:

—  Կպատմե՞ք հետաքրքիր պատմություն,որ կապված է թատրոնի հետ:

— Իմ սիրելի պատմությունը կապված է «Երևանյան տրամվայ»ներկայացման հետ:

Մենք խաղում էինք դրսում`հենց մայթին:

Շատ հետաքրքիր իրադարձություն էր կատարվում.պատկերացնու՞մ եք`երեկոյան Երևանը,իսկ փողոցում ներկայացում են խաղում.ասես այդ մեկ ժամը այդ փողոցը ,այդ տարածքը ապրեր: Շատ հետաքրքիր էր հանդիսատեսի միաձուլումը արվեստի հետ:

Իսկ թատրոնում շատ են լինում հետաքրքիր իրադարձություններ:

— Կարևոր բացահայտում,որ  Ձեզ համար արել եք`թատրոնում աշխատելու տարիներին:

— Ես միշտ ասում եմ`Խամաճիկների թատրոնում ասես հեծանիվ հորինեմ: Միշտ զարմանում էի,սակայն հետո հասկացա,որ դա է հենց արվեստը: Դու ինքդ պիտի ստեղծես տիկնիկը,յուրաքանչյուր թելը դու պիտի մտածես,ոչ թե քեզ տան պատրաստի տիկնիկ,այլ հեծանիվը դու պիտի նորից զրոյից հորինես: Եվ սա ինձ համար բացահայտում էր: