Մայրաքաղաք Երևանից 320 կիլոմետր դեպի հարավ-արևելք է գտնվում հանրապետության հարավային մայրաքաղաքը՝ Սյունիքի մարզկենտրոն Կապանը։
Կապանում երիտասարդներն ու պատանիներն ունեն մի շարք զբաղվածություններ․ նրանք հաճախում են կրթական, մշակութային, սպորտային և այլ ոլորտների խմբակներ։ Սպորտայիններից Կապանում առաջատարներից է << Սյունիքի մարզի կարատեի ֆեդերացիա>> ակումբը։ Ակումբն արդեն 30 տարի է, ինչ գործում է։ Այժմ ունի մոտ 120 սան։ Շատ հաճելի է տեսնելը, որ խմբում ինտեգրված են և՛ աղջիկներ, և՛ տղաներ, և՛ երիտասարդներ, և՛ ավելի փոքր տարիքայիններ։ Ակումբի սաները հաճախ մասնակցում են մրցաշարերի՝ և Հայաստանում, և՛ Հայաստանի սահմաններից դուրս։
Սույն թվականի հունիսի 4-ից 6-ը Կիպրոսի Լիմասոլ քաղաքում տեղի ունեցած Youth league մրցաշարի ժամանակ ակումբի սաներից Գոռ Քարամյանը գրավել է պատվավոր 3-րդ հորիզոնականը։
Վերջերս էլ՝ հոկտեմբերի 9-ից 10-ը ՈՒկրաինայի Խարկով քաղաքում տեղի ունեցավ Kharkov open մրցաշարը, որին մասնակցած երկու մարզիկներն էլ վերադարձան հաղթանակներվ։ Այս մրցաշարում Էդգար Գրիգորյանը վաստակեց 5-րդ հորիզոնականը, Գոռ Քարամյանը՝ 3-րդ։
Շնորհավորում ենք տղաներին իրենց տարած այս և նախորդ այլ հաղթանակների համար ևս, ցանկանում՝ միայն հաջողություններ։
Մեկնաբանություններ