Ինչպե՞ս ստեղծվեց ՏիկՏոկ հարթակը, ինչպե՞ս էվոլուցիա ապրեց ու տարածվեց ողջ աշխարհում։ Մեր մեծամասնությունը օգտվում է այդ հարթակից ու անգամ չի մտորում այդ հարցերի շուրջ։ 2016 թվականի սեպտեմբերին չինական «ByteDance» ընկերության կողմից սկսեց գործածվել «Douyin» սոցիալական ցանցը։ «Douyin»-ը 200 օրվա ընթացքում մշակվել է և մեկ տարվա ընթացքում 100 միլիոն մարդ օգտվել է և օրական դիտվել է 1 միլիարդ տեսանյութ։ Ավելի ուշ թողարկվել է այս հավելվածի պատճենը «TikTok» անունով՝ միջազգային շուկայի համար։ Այն պատկանում է Պեկինյան «ByteDance» ընկերությանը։ 2017 թվականի նոյեմբերի 9-ին ՏիկՏոկի մայր ընկերությունը՝ «ByteDance»-ը ծախսել է 1 միլիարդ դոլար musical.ly ծրագիրը ձեռք բերելու համար, որը տեղակայված էր Շանհայում, իսկ գրասենյակը գտնվում էր Կալիֆորնիայում։ Musical.ly-ն սոցիալական ցանց էր, որը օգտվողներին թույլ էր տալի ստեղծել կարճ ֆոնոգրամային և կատակերգական տեսահոլովակներ։ Ծրագրի պաշտոնական թողարկումը տեղի է ունեցել 2014 թվականի օգոստոսին։ 2018 թվականի դրությամբ ՏիկՏոկը հասանելի էր ավելի քան 150 շուկաներում և 75 լեզուներով։ 2018 թվականի առաջին կեսի ընթացքում ՏիկՏոկը ներբեռնվեց App store-ում ավելի քան 104 միլիոն անգամ, համաձայն Sensor Tower-ի տվյալներին։ Այն դարձավ iOS-ի ամենաշատ ներբեռնված հավելվածը։
Այս հավելվածը թույլ է տալիս ստեղծել կարճ տեսանյութեր, որոնք հաճախ ֆոնային երաժշտություն են պարունակում, ուղիղ եթերներ և հաղորդագրություններ փոխանակել։ Այդ տեսանյութերը հնարավոր է՝ արագացնել, դանդաղեցնել, դնել երաժշտություն ըստ ցանկության, որևէ տեքս գրել տեսանյութի վրա։ ՏիկՏոկը ժամանցային հարթակ է մեծամասնության համար։ Այս հարթակը քեզ հնարավորություն է տալիս գովազդել ինչ-որ բան, գումար վաստակել և խոսքը լսելի ու հասանելի դարձնել մեծամասնության համար, սակայն TikTok- ում անպարկեշտ բառապաշարով երաժշտական շատ տեսահոլովակներ կան։ Ծրագրում տեսանյութ տեղադրելը կարող է հանգեցնել կիբեռհետապնդման։ 2020-ի առաջին կեսին TikTok- ը, համաձայն իր սեփական թափանցիկության զեկույցի, տարբեր երկրների կառավարությունների խնդրանքով հեռացրեց 711 բովանդակություն։ TikTok– ի Եվրոպայում կառավարության հարաբերությունների և հասարակական քաղաքականության հարցերով տնօրեն Տաո Բերտրամը ասել է, որ իշխանությունների պահանջով արգելափակել է Ռուսաստանում ԼԳԲՏ բովանդակությունը։
ՏիկՏոկը նաև լայն տարածում գտավ Հայաստանում։ Շատերը կարճ ժամանակահատվածում ձեռք բերեցին մեծ լսարան, որը դժվար է անել Հայաստանում։ Սա լավ հարթակ է ինքնագովազդի համար, այսինքն մարդիկ կարող են գովազդել իրենք իրենց արտադրանքը։ Հումորային, ինտելեկտուալ, տեղեկատվական, կյանքը հեշտացնող տեսանյութերը հնարավորություն են տալիս հետաքրքիր անցկացնել ազատ ժամանակը։
Մեկնաբանություններ