Շատ դժվար է խոսել պատերազմի մասին, հատկապես, երբ այդ պատերազմը քեզանից խլել է քո հարազատներին, ընկերներին, քո հույսը, երազանքները, Հայրենիքի մի հատվածը…բայց,երբ գոնե մեկ կյանք հրաշքով փրկվել է,աննկարագրելի են զգացողություններդ…
![](https://i0.wp.com/journews.am/wp-content/uploads/2021/11/254813918_1200228210461014_3279942634962139956_n-1.jpg?ssl=1)
![](https://i1.wp.com/journews.am/wp-content/uploads/2021/11/254809246_606055403925260_2414377469004743614_n-3.jpg?ssl=1)
Սեպտեմբերի 27֊ի ահասառսու բոթը մեզ էլ հասավ, ինչպես ամբողջ հանրապետությունից՝ այնպես էլ մեր փոքրիկ Քարագլուխ գյուղից ունեինք հզոր զինվորականներ,հայորդիներ,ովքեր զատ մի վարկյան մտածելու մեկնեցին առաջնագիծ , իրենց կյանքը վտանգելով պաշտպանեցին հայրենիքը։Նրանց հերոսական քայլերի մասին անվերջ կարելի է խոսել…
Այսօր ուզում եմ խոսել մի մարդու մասին,ով իր տեսակով շատ համեստ է և միշտ խուսափել է խոսել իր սխրագործությունների մասին։
![](https://i2.wp.com/journews.am/wp-content/uploads/2021/11/254349292_260051726091543_7938380768533635442_n.jpg?ssl=1)
![](https://i1.wp.com/journews.am/wp-content/uploads/2021/11/254307996_567627144345179_4591100387224495687_n.jpg?ssl=1)
Մեր հերոս հետախույզն է` Հարութ Մանուկի Ստեփանյանը,Վայոց ձորի մարզի Քարագլուխ գյուղից:Ծնվել է 1989թ.հունիսի 10֊ին։Զինծառայությունից հետո հայրենասիրությամբ լեցուն Հարութը 2009թ֊ից սկսած ծառայությունը շարունակում է խաղաղապահ զորքերում։
Այնուհետև 2019թ. ծառայում է N զորամասի հետախուզադիվերսիոն ջոկատում՝ լինելով իր գործի վարպետ։
Հայրենիքը պաշտպանելու մեծ ցանկությամբ լցված հոկտեմբերի 1֊ին մեկնում է ռազմաճակատ։Պատերազմի ամբողջ ընթացքում չլքելով մարտի դաշտը արիաբար կռվում է թշնամու դեմ, ընկնում շրջափակման մեջ,որից դուրս է եկել իր մասնագիտական հմտությունների միջոցով։
Մասնակից է եղել Ջաբրայիլի,Հադրութի մարտերին,հետո ջոկը տեղափոխել են Դավիթ Բեկ որտեղ էլ նոյեմբերի 8֊ին հատուկ գործողության ընթացքում ստացել է որովայնային ծանր վիրավորում։Բժիշկներին հաջողվել է փրկել մեր հերոսի կյանքը,սակայն երկար բուժումներ են պահանջվել մինչ վերականգնվելը՝ 4 ամիս։ Ապաքինվելուց անմիջապես հետո վերադարձել է ծառայության և մինչ օրս անձնվիրաբար կատարում է իրեն պարտականությունները։
Խաղաղություն հայոց աշխարհին և բարի ծառայություն հայրենիքի սահմանները անձնվիրաբար պաշտպանող զինծառայողներին:
Հեղինակ՝ Երազիկ Վարդանյան
Մեկնաբանություններ