Այսօր մեր զրուցակիցն է մի շարք գեղեցիկ ձեռագործ աշխատանքների հեղինակ, մասնագիտությամբ երաժիշտ-մանկավարժ՝ Պայծառ Գուլոյանը, ում ամենամեծ հոբբին տիկնիկագործությունն է։
-Կպատմեք մի փոքր, ինչպե՞ս ծնվեց «Ճախարակի» գաղափարը
-«Ճախարակի» միտքը հղացավ ոչ պլանավորված, սա ինձ համար չի եղել , որպես գումար աշխատելու միջոց այլ ուղղակի եղել է իմ ստեղծագործական միտքը դրսևորելու եղանակ։
![](https://journews.am/wp-content/uploads/2021/12/262224039_1341313796319592_7364774594099612602_n-768x1024.jpg)
![](https://journews.am/wp-content/uploads/2021/12/263123839_1342251179559187_1722766121555616615_n-842x1024.jpg)
-Միշտ ե՞ք զբաղվել ձեռագործությամբ
-Միշտ էլ գործել եմ, բայց շատ ուշ-ուշ և ոչ խաղալիքներ: Երբ որոշեցի սկսել գործել խաղալիքներ՝ դեռ այսքան բազմազանություն և տեսականի չկար, բավարարվում էի մի քանի խաղալիքով: Հետո, երբ ստեղծվեց էջը, սկսեցի ունենալ շատ պատվերներ: Ամեն խաղալիք գործելուց հետո կարծես նրանք իմ ընկերները դարձած լինեին, բայց մեծ սիրով նվիրում կամ վաճառում էի:
![](https://journews.am/wp-content/uploads/2021/12/262671209_1342276472889991_9096524102086170496_n-878x1024.jpg)
![](https://journews.am/wp-content/uploads/2021/12/262780924_1341624232955215_7765017186397722264_n-768x1024.jpg)
-Նկատել ենք, որ շատ են նաև հայկական տարազներով տիկնիկները
-Ճիշտ եք նկատել, և ուրախ եմ, որ դա նկատվել է, այո՛ ունեմ տիկնիկներ և՛ Զանգեզուրի և՛ Արցախի տարազներով: Շատ կցանկանայի, որ տարածվեր մեր հայկականն ու ազգայինը:
![](https://journews.am/wp-content/uploads/2021/12/20280721_335566660227649_7783326806504675215_o-683x1024.jpg)
![](https://journews.am/wp-content/uploads/2021/12/21368731_354545791663069_5163238102632408485_o-1024x1024.jpg)
-Իսկ թոռնիկների համար շատ ե՞ք գործում
-Իմ ամենամեծ քննադատն ու ամենահավատարիմ հաճախորդները իմ թոռնիկներն են։ Եթե սիրում են, կապվում և սկսում խաղալ՝ ուրեմն գործը հաջողված է․ ի դեպ ամենամեծ հավաքածուն հենց նրանցն է՝ որոնք երբեմն լինում են չկրկնվող։
![](https://journews.am/wp-content/uploads/2021/12/263012158_1342657856185186_2647607356737154652_n-759x1024.jpg)
![](https://journews.am/wp-content/uploads/2021/12/81199324_842482226202754_6876322033366466560_n.jpg)
-Ձեր կարծիքով տիկնիկագործությունը զարգցում ունի՞
-Այո նկատել եմ, որ սկսել է մեծ պահանջարկ ուենալ, շատ ուրախ եմ, որ կան շատ երիտասարդներ, ովքեր սիրով են անում այդ աշխատանքը, ունեն շատ տարբերվող մտքեր և գործեր։ Շատ ուրախ եմ, որ երեխաները հնարավորություն են ունենում խաղալ էկոլոգիապես մաքուր, անվտանգ և գեղեցիկ խաղալիքներով։
Մեկնաբանություններ