103 տարականում կյանքից հեռացել է Հայաստանի ամենաերկարակյաց, լեգենդար ուսուցչուհի, Մարիամ Տոնյանը։
Հայաստանի ամենաերկարակյաց ու փորձառու ուսուցչուհին Մարիամ Տոնոյանն էր։
Նա աշխատում էր Պ. Ի. Չայկովսկու անվան դպրոցում հիմնադրման օրից` 1938թ-ից, որպես հարմոնիայի ուսուցչուհի։
Կին՝ ում համար ակրոստիքոսներ է գրել Հրաչյա Աճառյանը։ Նա տեսել է, թե ինչպես է ամեն երեկո մայրը հյուրասիրում Ավետիք Իսահակյանին։
Նա Սիլվա Կապուտիկյանի համադասարանցին է եղել։
Տիկին Տոնոյանն առաջին անգամ դպրոց է մտել դասավանդելու 18 տարեկանում: Դպրոց մտնելու առաջին իսկ օրը աշակերտների` իրեն սևեռված փայլող աչքերը տեսնելով, հասկացել է` մանկավարժությունն այն է, ինչ փնտրել է:
Պատմում են, որ սեպտեմբերի 1-ին տիկին Տոնոյանն ուրախ տրամադրությամբ և մեծ ոգևորությամբ էր մտնում դպրոց։ Տոնոյանի ամուսինը` Կոնստանտին Մելիք-Վրթանեսյանը, մասնագիտությամբ երաժիշտ է եղել, սիրահարվել է տիկին Մարիամին առաջին իսկ հայացքից: Տոնոյանը 1960թ-ին արժանացել է Վաստակավոր ուսուցչի կոչման: 2019թ-ին գրանցվել է ՀՀ «Դյուցազնագրքում»` 100-ամյա կենսագրությամբ 80 տարի անընդմեջ Չայկովսկու անվան երաժշտական դպրոցում աշխատելու համար /այժմ` արդեն 82 տարի/։
2019թ-ին նրան է հանձնվել ՀՀ նախագահի «Երախտագիտության մեդալը», որը Մարիամ Տոնյանին շնորհվել է երկարամյա աշխատանքի համար` ՀՀ վարչապետի միջնորդությամբ։
Մեկնաբանություններ