Մարզային թիմերը գեղեցկացնում էին հայկական ֆուտբոլը

Ցավալի է, բայց փաստ, որ Հայաստանում մարդկանց մեծամասնությունը հետևում է աշխարհի այլ երկրները ներկայացնող առաջնությունների։ Հայաստանում բազմիցս առնչվել ենք խնդիրների, որոնցից են՝ մրցավարական սխալներ, բողոքարկումներ, անդառնալի սխալներ, որոնք չեն ստանում իրենց լիարժեք պատասխանները, սրանք իրենց զգալի հետքն են թողել և թողնում են՝ թուլացնելով վարկանիշը, մարդկանց ավելի լուրջ վերաբերմունքը հայկական Ֆուտբոլի նկատմամբ։ Հայաստանի բարձրագույն խմբի առաջնությանը անցած տարի մասնակցում էին մարզերը ներկայացնող երկու գեղեցիկ ակումբներ։ «Լոռի»-ն և «Շիրակ»-ը այլ երանգ էին հաղորդում առաջնությանը, հետաքրքրացնում պայքարը, բայց ցավոք սրտի այս թիմերին մենք չենք տեսնում 2021-2022թթ․ մրցաշրջանին, քանի որ թիմերն առնչվեցին վերը նշված խնդիրներին։ Արդեն Ֆան ակումբները զբաղվում էին ծավալուն գործունեությամբ, շատ երիտասարդներ հետաքրքրվում էին ֆուտբոլով, հավաքվում էին մեկ գաղափարի շուրջ և նվիրվում իրենց սիրելի մարզի, քաղաքի թիմին՝ ավելի մասսայական դարձնելով ֆան մշակույթը մարզերում։ Մասնավորապես «Լոռի»-ի երկրպագուները հայտնի էին իրենց յուրահատուկ վանկարկումներով և երգերով, որից հետո սկսեցին բացվել բարձրագույն խումբում հանդես եկող այլ թիմերի ֆան ակումբներ ևս, սակայն ամենաբուռն մեկնարկը տվեցին վանաձորցիները՝ 2017թ․ Հայաստանի ֆուտբոլի առաջին խմբի առաջնության խաղում, որտեղ էլ ծնվեց առաջին վանկարկումը և դարձավ թիմի հաջողություններից մեկը՝ «Մի՛ Հայաստան, մի՛ Լոռի»։ Բարձրագույն խմբի առաջնություն դուրս գալուց հետո «կանաչ» քաղաքի բնակիչները մեծ ոգևորությամբ էին հետևում խաղերին, որն էլ գրանցեց վիճակագրություն՝ միջինում ամեն տնային հանդիպումների ընթացքում ներկա էին 1000 երկրպագու, առավելագույնը՝ մոտավորապես 1500, հաշվի առնելով, որ տնային խաղերը անց էին կացվում Վանաձորի ֆուտբոլի ակադեմիայում, որտեղ նստատեղերը չէին բավականացնում, կառուցվեցին փոքրիկ տրիբունաներ՝ երկրպագուներին առավել հարմար ընդունելու և ֆուտբոլը վայելելու համար։ Երկրպագուները բավական մեծ սպասումով հետևում են քաղաքային մարզադաշտի վերանորոգման աշխատանքներին, որն այդպես էլ չհասավ իր ավարտին նախնական նշված ժամանակահատվածում, ինչը նույնպես իր ազդեցությունն ունեցավ։ Փոքրիկ թվացող, բայց իրականում իրենցից շատ մեծ խնդիր ներկայացնող հարցերին ավելի լուրջ մոտեցում ցույց տալու դեպքում կկարողանանք հասնել ցանկալի արդյունքի, նորից վերականգնել կորցրածը և գնալ երազանքի հետևից։