Մեր օրերում դժվար է գտնել և՛ հետաքրքիր և՛ պահանջված մասնագիտություն։ Կիսվենք ձեզ հետ ամենապահանջված մասնագիտություններով։
IT Մասնագետ
Բիզնեսի, ֆինանսական համակարգերի և արդյունաբերական տեխնոլոգիաների զարգացմանը զուգընթաց մեծանում է նորարարական ծրագրեր ստեղծելու անհրաժեշտությունն ու լավ մասնագետների պահանջը։ Ենթադրվում է, որ արդեն 2026-ին համաշխարհային շուկայում 1,2մլն նոր մասնագետի պահանջ կլինի։
Տվյալագետ
Այս մասնագիտությունն այսօր արդեն իսկ խիստ պահանջված է և ակտուալ։ Տվյալագիտությունը կիրառելի է առողջապահության, գյուղատնտեսության, բանկային և մի շարք այլ ոլորտներում։
Տվյալագետը, օգտագործելով մաթեմատիկական, վիճակագրական մեթոդները, տվյալների հիման վրա բացահայտում է օրինաչափություններ և իրականացնում կանխատեսումներ, որոնք անմիջականորեն կարող են օգտագործվել պրակտիկայում և բիզնեսում:
Քամու և արևային էներգիայի մասնագետ
Կլիմայի փոփոխությանը համընթաց մեծանում է մաքուր էներգիայի ստեղծման անհրաժեշտությունը։ Քամու և արևային էներգիայի օգտագործումը մարդկության ապագան է և՛ կլիմայի պահպանման և և՛ գումար խնայելու տեսանկյունից։
Կիբերանվտանգության մասնագետ
ՏՏ անվտանգությունը համակարգչային համակարգերի պաշտպանությունն է։
Կիբերանվտանգության դաշտը դառնում է առավել կարևոր համակարգչային համակարգերի՝ ինտերնետից կախվածությունը մեծանալու պատճառով, սմարթֆոնների, հեռուստացույցների և այլ սարքավորումների աճի շնորհիվ:
Թվային մարքեթինգի մասնագետ
Աշխարհը դառնում է թվային։ Օրեցօր կատարելագործվող սպառողական շուկայում թվային կոնտենտի կամ մարքեթինգի մասնագետների անսպառ պահանջ կա։
IT բժիշկ
Մասնագետ, որը կատարյալ տիրապետում է բժշկությանն ու ծրագրավորմանը։ Մոտ ժամանակներում հիվանդն այլևս կարիք չի ունենա հասնել հիվանդանոց և սպասել։ Ցանկացած անձ կկարողանա online համակարգով պատմել ինքնազգացողության մասին և անմիջապես ստանալ թե՛ բժկի խորհրդատվություն և թե՛ անհրաժեշտ դեղեր։
Ֆիզիոթերապևտ
Կյանքի որակի զգալի փոփոխման արդյունքում մեծանում է պրոֆեսիոնալ ֆիզիոթերապևտների պահանջը։ Անընդհատ լարված և նստակյաց աշխատանքից հետո շատերն են զգում մասնագիտական մերսման կարիք։
3D տպագրության տեխնոլոգիա
Այս նոր տեխնոլոգիան գնալով լայն տարածում է ստանում և օգտագործվում է «նախատիպեր» ստեղծելու և վաճառքի համար: 3D տպագրությունն ավելի լայնորեն կիրառվում է կենսաբժշկական, ավիացիոն, ավտոմոբիլային արդյունաբերության և շատ այլ ոլորտներում:
Թվային լեզվաբան
Սա համարվում է ապագայի մասնագիտություն, որը մեքենայի լեզուն հասկանալի և կենդանի կդարձնի մարդկանց համար։ Թվային լեզվաբանները կաշխատեն online թարգմանիչների, որոնողական համակարգերի և այն ռոբոտների հետ, որոնք «կխոսեն» մարդկանց հետ:
Այսօր զարգացման ռիթմն ամենամեծ խնդիրներն առաջացրել է կրթական ոլորտում, քանի որ կրթական հաստատություններում դասավանդվող գիտելիքները պարբերաբար հնացած են դառնում և հետագայում ադ գիտելիքներով դժվար է աշխատանք գտնելն ու գումար վաստակելը։ Այդ պատճառով շատ կարևոր է ինքնակրթումը և ինքնազարգացումը, հետաքրքությունն ու նոր մասնագիտությունների մեջ հմտանալը։
Մեկնաբանություններ