Now you’re leavin’ baby
But I’m not ready
You trusted a daisy,
Are you crazy?
2021 թվականի սեպտեմբեր ամսին <<Nemra>> խումբը թողարկեց նոր երգ։Երգը վերնագրված էր <<Daisy>>-երիցուկ։Մեկ օրում երգն ու տեսահոլովակը շատ մեծ արագությամբ տարածվեցին ամբողջ համացանցում։Տեսահոլովակը նկարահանվել է Գյումրու <<Հայուհի>> թանգարանում,որտեղ նկարահանվել են նաև <<Եռանկյունի>> և <<Մեր մանկության տանգոն>> ֆիլմերից մի քանի դրվագներ։Տեսահոլովակում առանձնակի ուշադրություն է գրավում գլխավոր հերոսուհին,որն առանձնանում է յուրահատուկ դիմագծերով ու տարբերվող գեղեցկությամբ։Հերոսուհին քսանչորսամյա Լիլիթ Իսպիրյանն է։ Կերպարի ընտրությունը,նկարահանման ընթացքն ու Լիլիթի անձի բացահայտումը կներկայացնեմ ստորև։
-Լիլիթ ջան,ողջույն։Ուրախ եմ,որ ընդունեցիր հարցազրույցի առաջարկը,բայց նախքան սկսելը՝ասեմ,որ տեսահոլովակի մասին մի քանի բան ասաց նաև <<Nemra>> խմբի բասիստը` պատմելով.
-Տեսահոլովակը մի քանի տարի մեր ուղեղներում արդեն պատրաստ էր։Որոշել էինք՝ում ենք վստահելու որպես ռեժիսոր,ինչ սցենար է լինելու,որ քաղաքում ենք նկարահանելու։Աղջկա կերպարն էլ շատ պարզ ու ընդգծված պատկերացնում էինք,բայց չէինք գտնում։Ու միակ պատճառը այդքան ձգձգելու` հերոսուհուն փնտրելն էր։Ու մի գեղեցիկ օր Մարիաննան զանգեց ու ասաց,որ գտել է <<Դեյզիին>> ինչ-որ ցուցահանդեսում։Հետո հանդիպեցինք,ասացինք՝վերջ, ինքն է,նկարում ենք։
-Ահա այն,ինչ իմացա բասիստից,հիմա սկսենք մեր հարցազրույցը։ Մի քիչ պատմիր ամենասկզբից,թե ինչպես ստացար առաջարկը։
-Դե,ես գնացել էի <<ՆՓԱԿ>> ու շրջում, նայում էի գործերը։Ժամանակին ես էլ եմ <<ՆՓԱԿ>>-ում ինչ-որ գործեր արել որպես արվեստագետ։Հետո ինձ մոտեցավ Մարիաննան ու ասաց. կուզե՞ք մասնակցել տեսահոլովակի քասթինգի,ես էլ ասացի՝կարելի է։Հետո նկարներս ուղարկեցի իրենց,ու իրենք ինձ ընտրեցին։
-Որտե՞ղ եք սովորել։
-Ավարտել եմ թատերական ինստիտուտի բեմանկարչության բաժինը,բայց հիմա աշխատում եմ որպես գրաֆիկ դիզայներ։
-Ի՞նչ նմանություն կամ տարբերություն կա քո ու կերպարի միջև։
-Միակ տարբերությունը ծաղիկների հանդեպ սերն է,որը ես չունեմ։Կերպարի մեջ ես ես եմ եղել։
-Նկարահանումների ընթացքում ինչ-որ տարաձայնություններ եղե՞լ են ձեր միջև։
-Իրականում ոչ, չեն եղել։Ամբողջ ընթացքը շատ հարթ էր,ու արագ մտերմացել եմ թե’ խմբի անդամների հետ,թե’ ռեժիսորի հետ։Նմարահանման ընթացքում մեզ օգնում էր նաև թանգարանի անձնակազմը ու հենց ամենասկզբից էլ մեզ լավ էին ընդունել։
-Մինչև առաջարկը ստանալը` Nemra-ին ծանո՞թ էիր։
-Տեղական երաժշտությամբ հետաքրքրված չէի,բայց հենց անունը լսել էի,իսկ հիմա համարյա ամբողջ երգացանկին ծանոթ եմ։
-Եթե առաջարկներ ստանաք ուրիշ տեսահոլովակներում նկարահանվելու,կհամաձայնե՞ք։
-Այդպիսի դեպք եղել է,բայց երգը այդքան էլ իմը չէր։Հիմնականում երգից ու տեսահոլովակի սյուժեից է կախված։
-Որպես վերջաբան հարցս հետևյալն է.այս ամենը կհամարե՞ք Ձեր կյանքի փոքր ձեռքբերումներից մեկը։
-Իհարկե։
Մեկնաբանություններ