Նոյեմբերի 16-ին Խորվաթիայի Լուցկո մարզադաշտում Հայաստանի մինչև 19 տարեկանների հավաքականը 0:1 հաշվով հաղթեց Ջիբրալթարի հավաքականին` բոլոր մրցափուլերի արդյունքում վաստակելով 6 միավոր։ Արդեն 5-րդ րոպեին հավաքականի պաշտպան Գոռ Առաքելյանը բացեց խաղի հաշիվը։ Խաղի ընթացքում այլ գոլեր չգրանցվեցին։
Տասը տարվա ընդմիջումից հետո մեր պատանեկան հավաքականը առաջին անգամ դուրս եկավ Եվրոպայի մինչև 19 տարեկանների առաջնության էլիտ ռաունդ:
Հայաստանի մինչև 19 տարեկանների հավաքականը խաղի մեկնարկեց հետևյալ կազմով․
12․ Ռաֆայել Մանասյան(GK)(C), 6․ Գոռ Առաքելյան, 5. Էրիկ Սիմոնյան, 22. Յուրի Մարտիրոսյան, 17. Ռուբեն Աբրահամյան, 10․ Արթուր Սերոբյան, 21. Էդգար Փիլոյան, 11․ Սպարտակ Հայրապետյան, 9․ Համլետ Մինասյան, 7. Լևոն Վարդանյան, 20. Միսակ Հակոբյան:
Խաղից հետո կապ հաստատեցինք հավաքականի դարպասապահ և ավագ Ռաֆայել Մանասյանի հետ։
-Շատ ուրախ եմ, որ կարողացանք անցնել էլիտե ռաունդ, բավականին լավ հավաքականներ էին, դժվար պայքար ստացվեց, բայց մեր ամիսների աշխատանքը տվեց իր արդյունքը: Կարծում եմ՝ հատկապես հիմա մեզ այս հաղթանակը շատ անհրաժեշտ էր։
Ուրախ եմ, որ որոշիչ խաղում հաղթեցինք, և կարողացա անառիկ պահել դարպասը:
Կփորձենք ավելի շատ աշխատել և լավ հանդես գալ էլիտե ռաունդում, — իր խոսքում նշեց դարպասապահը։
Հիշեցնենք, որ մեր հավաքականը առաջին մրցափուլում հաղթել էր Շոտլանդիայի հավաքականին, երկրորդում՝ զիջել Խորվաթիային, որն էլ առաջին հորիզոնականով դուրս եկավ առաջնության էլիտ ռաունդ։
Մեկնաբանություններ