Մելբուրնում իսպանացի լեգենդար թենիսիստ Ռաֆայել Նադալի հաղթանակով ավարտվեց Ավստրալիայի բաց առաջնությունը։ Եզրափակչում Ռաֆան հերթական հաղթանակը տոնեց Ռուսաստանը ներկայացնող Դանիլ Մեդվեդևի նկատմամբ՝ գրանցելով «Մեծ սաղավարտի» մրցաշարերի իր 21-րդ հաղթանակը։ Այս ցուցանիշով Նադալը նոր ռեկորդ սահմանեց՝ շրջանցելով Ռոջեր Ֆեդերերին ու Նովակ Ջոկովիչին, որոնք նույնպես ունեին 20-ական հաղթանակ։
Աշխարհի երկրորդ ռակետ Մեդվեդևին փորձառու Նադալը հաղթեց ընդհանուր 3-2 հաշվով։ 5 ժամ 24 րոպե տևած եզրափակչի 5 սեթերում գրանցվեցին 2-6, 6-7, 6-4, 6-4, 7-5 հաշիվները։ Սա այս տարվա մրցաշարի ամենաերկար հանդիպումն էր։
Նշենք, որ Ռաֆան «Մեծ սաղավարտի» մրցաշարերում եզրափակիչ դուրս էր եկել 29-րդ անգամ, նախկինում պարտվել միայն 8-ում։
Հիշեցնենք նաև, որ առաջնության 3-րդ շրջանում իսպանացի թենիսիստը հաղթել էր Ռուսաստանը ներկայացնող մեկ այլ մարզիկի՝ հայազգի Կարեն Խաչանովին։
Մեկնաբանություններ