«Սարդ-մարդ։ Տունդարձի ճանապարհ չկա»՝ սպասվող ամերիկյան սուպերհերոսական ֆիլմ, որը ստեղծվել է Marvel Comics-ի Սարդ-մարդու կերպարի հիման վրա։ Ֆիլմը ստեղծել են Columbia Pictures և Marvel Studios ընկերությունները, տարածվել է Sony Pictures Releasing-ի կողմից։ Այն «Սարդ-մարդ։ Տունդարձ»(2017) և «Սարդ-մարդ։ Տնից հեռու» (2019) ֆիլմերի շարունակությունն է, ինչպես նաև 27-րդ ֆիլմը Marvel Cinematic Universe-ում։ Ֆիլմի ռեժիսորն է Ջոն Ուոթսը, սցենարիստներն են Քրիս Մաքքենան և Էրիկ Սոմերսը։ Փիթեր Փարքերի դերը կատարել է Թոմ Հոլանդը, ֆիլմում դերակատարում են ունեցել նաև Զենդայան, Բենեդիկտ Քամբերբեչը, Ջոն Ֆավրոն, Ջեյքոբ Բատալոնը, Մարիսա Թոմեյը և ուրիշներ։ Ըստ սյուժեի ՝ Փիթեր Փարքերը օգնության խնդրանքով դիմում է Սթիվեն Սթրենջին, որպեսզի վերջինս կրկին ողջ աշխարհից թաքցնի Սարդ-մարդու ինքնության գաղտնիքը, որն էլ հանգեցնում է վտանգավոր այլընտրանքային վերջաբանի։
ֆիլմի ստեղծման մասին հայտարարվել է 2017 թվականին՝ «Սարդ-մարդ։Տունդարձ» ֆիլմի նկարահանումների ժամանակ։ 2019 թվականի օգոստոսին Sony Pictures-ի և Marvel Studios-ի միջև եղած բանակցությունները՝ պայմանների փոփոխության վերաբերյալ, որոնց շրջանակներում ընկերությունները համատեղ նկարահանում են Սարդ-մարդու մասին ֆիլմը, ավարտվեցին նրանով, որ Marvel-ը դադարեցրեց նախագիծը։ Սակայն մեկ ամիս անց՝ երկրպագուների բացասական արձագանքներից հետո, երկու ընկերություններն էլ նոր պայմանագիր կնքեցին։
Ֆիլմի նկարահանումները սկսվել են 2020 թվականի հոկտեմբերին Նյու Յորքում։ 2021 թվականի փետրվարին հայտարարվել է ֆիլմի անվանումը, իսկ մարտի վերջին ավարտվել են նկարահանումները։ ԱՄՆ-ում ֆիլմը թողարկվելու է դեկտեմբերի 16-ին, իսկ ԱՊՀ երկրներում՝ մեկ օր շուտ՝ դեկտեմբերի 15-ին։
Մեկնաբանություններ