Երեկ 16։00-ին Եվրասիա համագործակցության հիմնադրամը ամփոփեց <<Հունիսի 14>> ստեղծագործական-խորհրդանշական մրցույթը։
Հունիսի 14 համարվում է Խորհրդային ժամանակների բռնադատվածների հիշատակի օր։
Այդ առիթով Եվրասիա համագործակցություն հիմնադրամը (ԵՀՀ) 2020 թվականի մայիսին հայտարարել էր ստեղծագործական-խորհրդանշական մրցույթ: Բռնադատվածների հիշատակի օրվան նվիրված մրցույթն ամփոփելիս ԵՀՀ-ն պատրաստակամություն էր հայտնել իր ունեցած հնարավորությունների սահմանում շարունակել ապահովել բռնաճնշումների խնդրին հասարակական ուշադրությունը և հետագա տասնամյակների Հայաստանի պատմության վրա դրանց ազդեցության վերլուծությունը:
«Հունիսի 14» անունը կրող մրցույթի առանցքում մարդն է, խորհրդային ժամանակներում հալածանքի, աքսորի ու բռնաճնշումների երևույթները և պատմությունը, այդ համատեքստում դրանք դիտարկելը, մեկնաբանելն ու վերլուծելը։
2020 թվականի մայիսին հայտարարված մրցույթում ամփոփված էին մասնակիցների և տուժածների անձնական և ընտանեկան հուշերը, պատմություններն ու ապրումները, որոնցից բոլորը առերեսվել էին բռնությանը։ Պատմության այս ժամանակաշրջանն ուսումնասիրելու և անձնական պատումների օգնությամբ այն ընդգրկուն ներկայացնելու փորձն ավելի հաջող կլինի, եթե ուսումնասիրվեն բռնության հիմքերը այս պատմական ժամանակաշրջանում, նաև նախքան այն և դրանից հետո։
Շարունակելով այս թեման, ԵՀՀ-ն կազմակերպեց հայաստանյան իրականության մեջ բռնության հիմքերի ուսումնասիրություն՝ կենտրոնանալով քրեական մշակույթի հիմքերի, ինչպես նաև բռնության դրսևորումների վրա՝ դպրոցում, բանակում և ընտանիքում: 2021 թվականի մարտին հրատարակվեց «Բռնության մշակույթը Հայաստանում» հետզոտությունների ժողովածուն:
Մրցույթին մասնակցելու հայտ են ներկայացրել 36 հոգի, որոնցից միայն տասներկուսն է ուղարկել ընտրված հետազոտության վերաբերյալ իր գրախոսականը։ Ներկայացված հայտերն ուսումնասիրվել և գնահատվել են մասնագիտական հանձնաժողովի կողմից։
Հանձնաժողովի կազմում էին՝
Վարդան Հարությունյանը, հրապարակախոս,
Սուսաննա Հարությունյանը, գրող,
Արմեն Օհանյանը գրող,
Էվիյա Հովհաննիսյանը, մարդաբան, Հայնրիխ Բյոլ հիմնադրամի հայաստանյան ծրագրերի համակարգող,
Լուսինե Խառատյանը, մարդաբան
Ջուլյա Սահակյանը, ԵՀՀ նախագծի ղեկավար։
Մեկնաբանություններ