Փոդքասթը ինֆորմացիա ստանալու աուդիոտարբերակ է։ Անվանումն առաջացել է iPod և broadcasting բառերից։ Չնայած ռադիոթողարկումների առկայությանը՝ փոդքասթ տերմինը առաջին անգամ գործածվել է 2000-ականների սկզբին։ Առաջին փոդքասթեռը համարվում է Ադամ Քարիին, ով 2004 թ․-ին ձայնագրեց առաջին փոդքասթը։ Ադամը նաև ստեղծեց RSS-iPodder-ը, որը հնարավորություն էր տալիս համացանցի առկայության պայմաններում բեռնել ձայնագրությունը նվագարկիչի մեջ։ Հետագայում դրա հիման վրա ստեղծվեց iPodderX ծրագիրը, որը բաժանորդագրման և փոդքասթներ լսելու հնարավորություն էր տալիս։ 2004թ․-ի սեպտեմբերին Apple-ը դատի է տալիս ծրագրի հիմնադիրներին անվան համար։ Ավելի ուշ՝ 2005 թ․-ին, iTunes-ում ավելացվում է հատուկ բաժին փոդքասթների համար։Ահա այս ժամանակ էլ կիրառության մեջ է մտնում փոդքասթ անվանումը, որի բաղկացուցիչ մասն է դառնում iPod բառը։
Ի տարբերություն ռադիոյով թողարկվող հաղորդումների՝ փոդքասթում զրույցը ընթանում է ոչ այնքան ֆորմալ։ Այն պետք է ունենա թեմատիկա, կարող է ունենալ նաև վիդեոտարբերակ։ Փոդքասթինգի տարածման և հաջողության հիմնական գրավականն այն է, որ այն հնարավորություն է տալիս միաժամանակ զբաղվել որևէ գործով և զուգահեռ ինֆորմացվել ցանկացած թեմայից։ Արևմուտքում այն շատ արագ տարածվեց և սիրվեց հանրության կողմից։
Փոդքասթինգը Հայաստանում
Հայաստանում ոլորտը նոր է սկսում զարգանալ, հետևաբար շուկան ազատ է, և չկա ուժեղ մրցակցություն։ Միևնույն ժամանակ այս փաստը հիանալի առիթ է ազատ շուկան որակյալ կոնտենտով լցնելու համար։ Ներկայումս թողարկվող փոդքասթներից է Rearrange-ը, որի ընթացքում փոդքասթեռ Նարեկ Ամիրխանյանը զրուցում է ամենատարբեր ոլորտների ներկայացուցիչների հետ ամենատարբեր թեմաներով։ Փոդքասթները միտված են՝ բարձրացնելու հասարակության գիտակցական մակարդակը և ինֆորմացնելու հանրությանը։ Նման ձեռնարկումները ողջունելի են, և հույս ունենանք, որ այս ոլորտը դեռ կզարգանա Հայաստանում և կընդգրկի ավելի մեծ լսարաններ:
Մեկնաբանություններ