The Crowdfunding Formula ընկերության հիմնադիր Նարեկ Վարդանյանն իր ֆեյսբուքյան էջում գրում է․
Մի քանի օր առաջ գործարկված ChatGPT-ի հնարավորություններն ուղղակի ապշեցնող են…
Ծրագրից ընդամենը մեկ վայրկյան պահանջվեց բանաստեղծություն գրելու Prelaunch.com-ի մասին 
Այն կարող է իրականացնել խորը վերլուծություններ, ֆիքսել ծրագրային bug-եր, փնտրել և գտնել անհրաժեշտ ինֆորմացիա, մշակել մարքեթինգային ռազմավարություն և այլն…
Վերջին տարվա ընթացքում Generative AI-ը զարգանում է էքսպոնենցիալ արագությամբ։
Այն վտանգում է ոչ միայն բոլոր այն մասնագիտությունները, որոնք ավելի տեխնիկական էին, այլ նաև, երկար ժամանակ «պահանջված» և «ապահով» համարվող շատ մասնագիտություններ։
AI-ը կարող է գրել անթերի ծրագրեր, ստեղծագործել լավագույն դիզայներների և երաժիշտների նման, եթե ոչ ավելի լավ, տալ ավելի գրագետ բժշկական դիագնոստիկ պատասխաններ և էլի բազմաթիվ այլ գործեր, որոնք պահանջում էին երկարամյա գիտելիքներ, փորձ և ստեղծագործական տաղանդ։
Եթե մի քանի տարի առաջ սա համարվում էր հեռու ապագա և հիմնականում Իլոն Մասկն էր անհանգստանում նմանատիպ զարգացումներից, ապա այսօր, այն արդեն իրականություն է՝ ներկա, իր բոլոր հնարավորություններով և վտանգներով հանդերձ։
Կարծում եմ սա պետք է անհանգստացնի նույնիսկ Google-ին, քանի որ մարդիկ ուղղակի ինչ որ բան փնտրելու փոխարեն ուղղակի «կխնդրեն» իրենց AI օգնականին և այն կանի դա շատ ավելի լավ և որակով։
Մենք իհարկե շուտով ականատես կլինենք նաև օրենսդրական կարգավորումների, քանի որ արդեն սկսել ենք ապրել այլ իրականությունում, որտեղ կան նաև բազմաթիվ վտանգներ։
Հիմա ի՞նչ պետք է անել։
1. Այսօրվա բազմաթիվ մասնագիտություններ և կրթական սիստեմներ արդեն իսկ վտանգված են և ենթակա են փոփոխման։ Պետք չէ վախենալ, այլ պետք է ճկուն և արագ ադապտացվել նոր իրականությանը։
2. Այս գլոբալ ալիքը բերելու է բազմաթիվ նոր հնարավորություններ առաջիկա տասնամյակներում։
Մտածեք ոչ միայն ինպես օգտվել այդ հնարավորությունից, այլ նաև, ինչպես օգնել այդ հնարավորություններից օգտվողներին։
Levi’s ջինսերի հեղինակ Լեվի Ստրաուսը ամերիկյան Ոսկու Տենդի ժամանակ ավելի հարստացավ, քան ոսկին հայտնաբերողները, քանի որ մատակարարում էր որակյալ հագուստ այդ հնարավորությունից օգտվողների համար 
3. Եղեք հետաքրքրասեր, հետևեք նորություններին և մարդկանց՝ արագ տեղեկանալու նոր զարգացումների մասին։
Մեկնաբանություններ