Վինսենթ Ուիլլեմ վան Գոգը հոլանդացի նկարիչ է, ով ծնվել է 1853թ. մարտի 30-ին։
Վան Գոգը պոստիմպրեսիոնիզմի(իմպրեսիոնիզմից(տպավորություն) հետո) և էքսպրեսիոնիզմի(արտահայտում) ներկայացուցիչ է։ Նա համարվում է արևմտյան արվեստի պատմության ամենանշանավոր դեմքերից մեկը։ Ընդամենը տասը տարում ստեղծել է արվեստի մոտ 2100 գործ, այդ թվում՝ 860 նկար յուղաներկով։
Վան Գոգը նկարել է դիմանկարներ, նատյուրմորտներ, ինքնադիմանկարներ, որոնք բնորոշվում են համարձակ գույներով, արտահայտչականությամբ, ինչն էլ նպաատել է ժամանակակից արվեստի սկզբունքների հաստատմանը։
Վան Գոգը նկարել սկսել է մանկությունից։ Նրա վաղ շրջանի նկարները, որոնք հիմնականում նատյուրմորդներ են և գյուղացիների պատկերներ, քիչ են աչքի ընկնում վառ գունավորմամբ։
1886թ.-ին նկարիչը տեղափոխվել է Փարիզ, որտեղ էլ հանդիպել է Պոլ Գոգենին, ով անտարբեր չէր իմպրեսիոնիստների արտահայտչականության և զգացմունքայնության հանդեպ։
Վան Գոգը տառապել է հոգեկան խնդիրներով։ Նրա մտերմությունը Գոգենի հետ ավարտվել է զայրույթի պահին սեփական ձախ ականջը ածելիով կտրելով։ Նկարիչը որոշ ժամանակ բուժվել է հոգեբուժական հիվանդանոցում։
Վան Գոգը 1890թ. Հուլիսի 27֊ին ինքնասպանություն է կատարել իր սունդուկում պահվող սևոլվերի միջոցով։ Երկու օր անց նա մահացել է։ Վան Գոգն ասում էր 《Գիտեմ ես այն մարդկանցից չեմ, ում սիրում են մարդիկ։ Սակայն ես նրանցից եմ, ում մարդիկ չեն մոռանում》։
Նկարչի ստեղծագործությունները պահպանվում են աշխարհի ամենահեղինակավոր թանգարաններում( Նյու Յորքի Մետրոպոլիտեն թանգարան, Օգյուստ Ռոդենի տուն-թանգարան, Իմպրեսիոնիզմի թանգարան, Փարիզի Ժամանակակից արվեստի թանգարան Մյունխենի Նոր պինակոտեկ)։ Ամենամեծ թվով ստեղծագործությունները ցուցադրվում են Ամստերդամի Վան Գոգի թանգարանում։
Աստղալից գիշեր Ռոնի վրա, 1888, Օրսե թանգարան, Փարիզ
Ձիթենիներ, 1889, Ժամանակակից արվեստի թանգարան, Նյու Յորք
«Առլեզիանուհին,» 1888, Մետրոպոլիտեն թանգարան, Նյու Յորք
Ինքնադիմանկար` գորշ, թաղիքե գլխարկով, 1887–88, Վան Գոգի թանգարան, Ամստերդամ
Նշենու ծաղկած ճյուղեր, 1890, Վան Գոգի թանգարան, Ամստերդամ
Արևածաղիկներ. 12 արևածաղկով ծաղկաման, օգոստոս 1888, Նոր պինակոտեկ, Մյունխեն
Մեկնաբանություններ