Ֆիլմեր դիտելը շատերի համար ապրելակերպի և առրօյայի անբաժանելի մասն է, որոշների համար ազատ ժամանակն անցկացնելու կամ հանգստի միջոց։ Յուրաքանչյուր ֆիլմ ունի իր ասելիքն ու գաղափարը, որը մատուցվում է դիտողներին՝ զարգացնելով նրանց մտածողությունն ու աշխարհայացքը։
Ձեզ ենք ներկայացնում 2021 թվականի ամենաճանաչված և ամենադիտված ֆիլմերից մի քանիսը, որոնք անպայման պետք է դիտել։
Դյունա
Ռեժիսոր Դենի Վիլնյովի ֆանտաստիկ ֆիլմը։ Ֆրենկ Հերբերտի համանուն վեպի էկրանավորումն է։ Ֆիլմի սյուժեն ընդգրկում է Դյունայի տիեզերքի մասին պատմող առաջին գրքի կեսն ու պատմում է Փոլ Ատրեյդեսի կյանքի մասին, որը պետք է համախմբի ֆրեմեններին ու հաղթի Արակիս մոլորակի համար մղվող պայքարում։
Մահանալու ժամանակը չէ
Ջեյմս Բոնդի մասին ֆիլմերի շարքի 25-րդ ֆիլմը։ Ֆիլմի ռեժիսորը Քերի Ֆուկունագան է, ով Սքոտ Բյորնսի և Ֆինի Ուոլեր Բրիջի հետ միասին դարձել է նաև ֆիլմի սցենարիստ։
Ֆիլմում Ջեյմս Բոնդը թողնում է Միացյալ Թագավորության գաղտնի հետախուզական ծառայության համար աշխատանքը և վայելում խաղաղ կյանքը Ճամայկայում։ Նրա հին ընկեր Ֆելիքս Լեյթերը Կենտրքնական հետախուզական վարչությունից օգնություն է խնդրում անհայտ կորած գիտնականի որոնման հարցում։ Գիտնականի փրկության առաջադրանքը շատ ավելի դժվար է լինում, քան Բոնդը սպասել է, ինչը բերում է նրան խորհրդավոր չարագործի մոտ, ով տիրում է նոր վտանգավոր տեխնոլոգիաներով։
Վենոմ 2
Լրագրող Էդի Բրոքի մասին պատմության շարունակությունը, որը դարձել է օտար մակաբույծի կրողը։ Մեկ ու կես տարի է անցել մարդու ու հրեշի առաջին հանդիպումից, Վենոմը դեռևս ապրում է Բրոքի մարմնում և օգնում է լրագրողին կենցաղում։ Սակայն ամեն ինչ այդքան էլ հեշտ չէ, Բրոքի բնակարանում խառնաշփոթ է, իսկ հերոսը տանջվում է։
Մահացածների ջոկատը
Ֆիլմը ցույց է տալիս մարդկության հուզիչ պատմությունը, որը բախվում է զոմբի վիրուսի սարսափելի համաճարակի հետ։ Երկրի գրեթե ողջ բնակչությունը վերածվել է քայլող մեռելների։ Գործողությունները տեղի են ունենում Լաս Վեգասում, որտեղ գրեթե ոչ ոք ողջ չի մնացել, միայն նախկին վարձկանների մի փոքր խումբ, որոնք որոշում են գնալ զոմբիների վարակված վտանգավոր գոտի կողոպուտ կատարելու համար։
Քրուելա
Ամերիկյան քրեական կինոկատակերգություն, որի ռեժիսորը Քրեյգ Գիլեսփին է։
Գործողությունը տեղի է ունենում Լոնդոնի 1970-ական թվականներին, որտեղ երիտասարդ նորաձևության դիզայներ Քրուելա դե Վիլը համակված է դառնում շների՝ հատկապես դալմատիններ մորթիներով, մինչև ի վերջո չի դառնում դաժան և սարսափելի լեգենդ և Դիսնեյի բոլոր ժամանակների ամենակուլտային չարագործներից մեկը։
Մեկնաբանություններ