Մոտենում է ամանորը, իսկ դա նշանակում է, որ փողոցներում կվառվեն հազարավոր լույսեր, խանութներում կտիրի տոնական եռուզեռ: Սա տարվա լավագույն ժամանակն է: Իսկ եթե ցանկանում եք տանը ստեղծել ընտանեկան ջերմ, ամանորյա մթնոլորտ,առաջարկում ենք ամանորյա 5 լավագույն ֆիլմերը:
1.«Ինչպես Գրինչը գողացավ Ծննդյան տոները» (How the Grinch Stole Christmas)
Ամերիկացի կինոռեժիսոր, պրոդյուսեր և դերասան Ռոն Հովարդի ընտանեկան կատակերգությունը պատմում է Կտոգրադ հեքիաթային քաղաքի բնակիչների մասին, ովքեր շատ են սիրում նշել Ամանորը։ Բայց կա մեկը, ով ատում է այդ տոնը. դա կանաչ արարած Գրինչն (Ջիմ Քերրի) է։ Նա ապրում է բարձր լեռան վրա, իր միակ ընկերոջ՝ Մաքս անունով շան հետ, և նեղացած է քաղաքի բնակիչներից։ Մանուկ հասակից հասակակիցները ծաղրում էին Գրինչին իր անսովոր արտաքինի համար։ Ավելի ուշ Գրինչի և քաղաքացիների մեջ ընդհանուր հակակրանք է առաջանում։
Ամեն տարի Կտոգրադ քաղաքի բնակիչների ամանորյա ուրախությունն ու երջանկությունը կանաչ ճգնավորի մոտ բարկություն և զայրույթ են առաջացնում։ Եվ մի անգամ Գրինչը որոշում է իրականացնել իր նենգ ծրագիրը. գողանալ քաղաքացիներից իրենց սիրելի Սուրբ Ծնունդը…
2.«Սուրբ Ծննդյան պատմություն» (A Christmas Carol)
Ամերիկացի հայտնի կինոռեժիսոր, սցենարիստ և պրոդյուսեր Ռոբերտ Զեմեկիսի ֆիլմը պատմում է դաժան ծերունի Էբենեզեր Սքրուջի (Ջիմ Քերրի) մասին: Պարոն Սքրուջն իր ամբողջ կյանքը նվիրել է հարստության կուտակմանը: Նա արհամարհում է ամեն ինչ, բացառությամբ փողի, այդ թվում` ընկերությունը, սերն ու ամանորյա տոները:
3.«Էլֆ» (Elf)
Բադդի Հոբս անունով մի տղա մանկատնից մտնում է Սանտա Կլաուսի պարկի մեջ և դառնում Սանտայի էլֆերից մեկի որդեգիր երեխան։ Մեծանալով` Բադդին մեկնում է փնտրելու իր հարազատ հորը, բայց պարզվում է, որ նրան միայն իր բիզնեսն էր հետաքրքրում, իսկ նրա հարազատ երեխան նրան չէր անհանգստացնում։ Բայց Բադդին ծանոթանում է իր կրտսեր խորթ եղբոր, խորթ մոր և գեղեցկուհի աղջկա հետ, որոնք հավատում են նրա պատմությանը և որոշում օգնել նրան վերադարձնել մարդկանց հավատը Սանտա Կլաուսին ու հնարավորություն տալ հայտնվել հասարակության մեջ։
4.<<Սուրբ ծննդյան պատմություն>> (A Christmas Story)
Ֆիլմը պատմում է իննամյա Ռալֆիի մասին, ով ընդամենը մեկ նվեր է ցանկանում ստանալ՝ իսկական հրացան: Մինչդեռ երեխայի գերհոգատար ծնողները, ինչպես նաև տեղական առևտրի կենտրոնի Ձմեռ պապը դեմ էր փոքրիկի այս ընտրությանը: «Սուրբ Ծննդյան պատմությունը» հիանալի կինոկատակերգություն է ամերիկյան հասարակության առօրյայի, ընտանիքի, իդեալական ծնողների, երեխաների, նրանց փոքրիկ խնդիրների ու երազանքների մասին, որոնք, ըստ էության, շատ քիչ են փոխվել 40-ական թվականներից հետո:
5.«Ֆրեդ Կլաուս» (Fred Claus)
Ամերիկացի կինոռեժիսոր, պրոդյուսեր և սցենարիստ Դևիդ Դոբկինի ամերիկյան ամանորյա կինոկատակերգությունը պատմում է Սանտայի եղբոր՝ Ֆրեդ Կլաուսի մասին: Ֆրեդը (Վինս Վոն) մեծանում է իր եղբոր՝ Նիքի (Փոլ Ջամատի) սուրբ ստվերում, և ի վերջո, կորցնում է հավատը Սուրբ Ծնունդի նկատմամբ:Մի օր՝ դեկտեմբերին, Ֆրեդը թռչում է Հյուսիսային բևեռ և հայտնաբերում է, որ Նիքը վտանգի մեջ է, քանի որ արդյունավետության փորձագետը որոշում է մշտապես վերացնել Սուրբ Ծնունդը: Ֆրեդը փրկում է Սուրբ Ծնունդը և իր համար վերականգնում ընտանիքի համը:
Մեկնաբանություններ