Միշտ էլ կա հոգեբանի կարիք

Մենք՝ յուրաքանչյուրս, ձգտում ենք հոգեկան հանգստության՝ իրապես երջանկության: Փորձում ենք մոռանալ օրվա հոգսերն ու խնդիրները: Երբեմն դա մեզ հաջողվում է, բայց եթե չի հաջողվում, ապա ինչպե՞ս դուրս գալ այս վիճակից: Այս դեպքերում ամենևին էլ ամոթ չէ դիմել հոգեբանի օգնությանը: Կան բազմաթիվ խնդիրներ, որոնք պահանջում են հոգեբանի միջամտություն, ինչպիսիք են՝ տրամադրության, անհանգստության, հուզական կամ նաև ինքնագնահատականի հետ կապված խնդիրները:

Հարաբերություններում խնդիրներ, հաղորդակցության բացակայություն կամ ընտանեկան խնդիրների առկայություն, սրանք այն ասպեկտներն են, որոնք կարող են տանել հոգեբանի հետ խորհրդակցության:

Ամեն հարց ունի իր տրամաբանական լուծումը: Երբեք մի՛ հուսահատվեք, պարզապես մտապահեք այս մի քանի հոգեբանական խորհուրդները և ձեր կյանքում ամեն բան էլ ավելի կհեշտանա:

• • Ոչ ոք ոչ մեկին չի լքում․ Պարզապես նա ով մնացել է կարծում է, թե իրեն լքել են։

  • Դեպրեսիան տրվում է մարդուն, որպեսզի նա կարողանա մտածել իր մասին։

  • Եթե մարդը չի կարող որևէ լավ բան ասել իր մասին, բայց ուզում է ասել, նա սկսում է վատ բաներ ասել մյուսների մասին:

  • Եթե Դուք լավ կարծիք ունեք ինքներդ Ձեր մասին, ապա Ձեր ինչի՞ն է պետք մյուսների լավ կարծիքը։

  • Արա այն ինչ ուզում ես ու թույլտվություն մի խնդրիր։ Կարող է հանկարծ մերժվես։

  • Ավելի լավ է շփվել լավ գրքի հետ, քան դատարկ մարդու։

  • Սիրելու և միայնությանը դիմանալու կարողությունները հոգևոր հասունության նշաններ են։ Ամենալավ բաներն անում ենք այն ժամանակ, երբ մենակ ենք։

  • Ես չգիտեմ դեպի հաջողություն տանող ճանապարհը, բայց գիտեմ դեպի ձախողում տանող ճանապարհը։ Դա այն է, երբ ցանկանում ես բոլորին դուր գալ։

  • Չկա տղամարդու կամ կնոջ տրամաբանություն, պարզապես կա խելամիտ մտածելու ունակություն։

  • Եթե ցանկանում ես ճանաչել քո հիմնական թշնամուն, ապա նայիր հայելու մեջ ու փորձիր հաշտվել ինքդ քեզ հետ։

  • Ընկերների հետ զրուցելը հաճելի է, իսկ թշնամու հետ՝ օգտակար։

  • Հարաբերությունները խզելու և աշխատանքից ազատվելու միակ հարգելի պատճառը՝ ընձեռնված պայմաններում անհատական աճի անհնարին լինելն է։

  • Կիսիր ուրախությունդ և՛ ընկերներիդ, և՛ թշնամիներիդ հետ։ Ընկերդ կուրախանա, իսկ թշնամիդ կտխրի։

  • Մի ընկիր երջանկության հետևից, այլ գտիր այն վայրը, որտեղ այն ապրում է։ Կարող եմ հուշել, թե որտեղ է ապրում քո երջանկությունը։ Դա հենց դու ես։Եվ դրա ճանապարհը քո բոլոր հնարավորությունների առավելագույն զարգացումն է: Երջանկությունը պատշաճ կազմակերպված գործունեության «կողմնակի» արդյունք է:

  • Եթե ցանկանում ես ինչ-որ մեկին ինչ-որ բան ապացուցել, դա նշանակում է, որ դու ապրում ես այդ անձի համար։

  • Հասիր հաջողության և բոլոր վիրավորանքները կանցնեն։

Եվ իհարկե անկախ ամեն ինչից ապրեք խաղաղ թե՛ ֆիզիկապես, թե՛ հոգեպես: