Դեկտեմբերի 3-ին թողարկվեց Netflix-ի ամենահաջողված նախագծերից մեկի՝ «La casa de papel»-ի վերջին եթերաշրջանը։ Եթերաշրջանի առաջին հինգ սերիաները թողարկվել էին դեռ սեպտեմբեր ամսին։ Դրանք շատ հարցեր էին թողել երկրպագուների համար. Ալիսիան Պրոֆեսորին կհանձնի՞ ոստիկանությանը, Տոկիոն իրո՞ք մահացել է, կկարողանա՞ն փախչել, թե՞ կմեռնեն բոլոր սիրված հերոսները։
Բայց վերջին հինգ սերիաները շատ ավելին էին քան հնարավոր էր սպասել։ Մինչև սերիալի վերջին տասը րոպեները ամեն ինչ մնում է անհայտ ու անկանխատեսելի դիտողի համար։ Անդադար պայքարի, հաղթանակի ու պարտության մեջ գտնվող թե’ դրական և թե’ բացասական կերպարները սկսում են նույնիսկ չհասկանալ, թե ինչն է պետք համարել հաղթանակ։ Էմոցիաների ժայթքում է տեղի ունենում անդադար։ Կարծես ամեն ինչ կատարված է լավագույն ձևով։
Իսկ վերջերս Netflix-ի թվիթերյան պաշտոնական էջը արեց հրապարակում հետևյալ բովանդակությամբ. «Գողությունը մոտենում է իր ավարտին, բայց պատմությունը շարունակվում է։ Բեռլին. նոր սերիաներ 2023թ.-ին»։ Պարզ է, որ Netflix-ը Բեռլինի նման յուրահատուկ կերպարին հեշտ բաց չէր թողնելու։ Դրան հանրությունը դեռ կսպասի, իսկ հիմա պետք է դիտել նոր եթերաշրջանը, որը դեռ երկար չի մոռացվելու։
Մեկնաբանություններ