Երբեք չդադարել ստեղծագործել,չհանձնվել խոչընդոտներին,միշտ ստեղծել նորն ու պահանջվածը։

Հայկ Գևորգյանը մերօրյա ամենապահանջված երգահաններից է։Երկար տարիների քրտնաջան աշխատանքն ու երաժշտության նախապատվությունը ստիպել են Հայկին կայանալ որպես երաժիշտ։ Journews.am-ը որոշել է անդրադառնալ նրան,զրուցել ընթացիկ բարդությունների,փիառի և իհարկե կուլիսների մասին։

Հայկը փոքրուց է սիրել երաժշտությունը։Ժպիտով է վերհիշում առաջին քայլերն՝ ինչպես է 7 տարեկան հասակից խիստ հետաքրքրություն ունեցել դեպի դաշնամուրը,երգեր է գրել,փորձել ինչ-որ բան ստեղծագործել։ Հանրությունը սիրով է ընդունել Հայկին,ինչը ավելի է ոգևորել նրան։Հայկը սիրում է իր բոլոր ստեղծագործությունները,բայց մեզ հետ զրույցում անկեղծացավ ու ասաց,որ իր այցեքարտը համարում է Արման Հովհաննիսյանի ու Արմինկայի հետ ունեցած համագործակցությունը,քանի որ առաջին աշխատանքն էր,որը մեծ հաջողություն է ունեցել։ Հարցին, թե քանի ստեղծագործություն ունի,նախ դժվարացավ պատասխանել։Ասաց,որ մինչև այժմ ունի մոտ 150 երգ,որի շրջանակը խոստանում է ընդլայնել։Հայկ Գևորգյանին հազվադեպ կարելի է հանդիպել էկրաններին․պատասխանը հետևյալն էր.Հայկը կարծում է,որ կարևոր չէ,թե ինչ է կատարվում ետնաբեմում կամ դրանից դուրս,և չնայած հանդիսատեսը չգիտի,թե ինչ է տեղի ունենում ներսում և կարող է տեսնել միայն այն,ինչ ցուցադրվում է,կարևորը հանրությանը մատուցած արդյունքն է։

Հայկն այսօր գրում է միայն երաժշտություն և համագործակցում է Ավետ Բարսեղյանի,Սյուզի Ավդալյանի,Սոս Թադևոսյանի,Գրիգոր Կյոկչյանի և մի շարք այլ տաղանդավոր երգահանների հետ։Համագործակցում է գրեթե բոլոր գործիքավորողների հետ՝ ի դեմս Karen Sevak Production-ի,Duetro Studia-ի,Արսեն Բարսամյանի և այլն։

Գրեթե բոլորը գիտեն Հայկ Գևորգյանի երաժշտական ունակությունների մասին։Այն մշտապես գեղագիտական հաճույք է պատճառում ունկնդիրներին,հոգևոր սնունդ է Հայկի հանդիսատեսի,ընկերների և իհարկե ընտանիքի անդամների համար։Ստորև ներկայացնում ենք տեսանյութ՝հատուկ Journews.am-ի համար։