Պետերբուրգի «Литфонд» աճուրդի տանը աճուրդի է հանվել «Кино» ռոք խմբի լիդեր Վիկտոր Ցոյին ուղղված չբացված նամակը, որի բովանդակությունը հայտնի չէ։ Նամակի նախնական գինը սահմանվել է 100 հազար ռուբլի․ հայտնում է REN TV-ն։ Նամակը Կրասնոյարսկից Սանկտ Պետերբուրգ է ուղարկվել 1990 թվականի մարտին՝ ռոքերի մահից 6 ամիս առաաջ (նա մահացել է ավտովթարից 1990 թվականի օգոստոսի 15-ին): Հավանական է, որ Ցոյը պարզապես չի հասցրել կարդալ նամակը, քանի որ վերջին տարիներին բնակվում էր Մոսկվայում։
Ծրարի վրա վերադարձի հասցե չկա, դրա փոխարեն կա ստորագրություն․ «Կրոսնայարսկ քաղաքից, 20․03․1990, ք․ Լենինգրադ, Կիրովի շրջան, Վետերանների պողոտա, 99 շենք, 101 բնակարան, Վիկտոր Ռոբերտի Ցոյին»։
Հիշեցնենք, որ Ցոյը Կրասնոյարսկում ելույթ է ունեցել 1989 թվականի դեկտեմբերին՝ նամակը ստանալուց երեք ամիս առաջ: Հայտնի է նաև, որ նա համերգից հետո, նմանատիպ նամակներ Կրոսնայարսկից ստացել է ոչ մեկ անգամ։ Այս փաստը վաճառողին թույլ է տալիս ենթադրել, որ բացելով նամակը, հնարավոր է պարզել որոշակի գաղտնիքներ երգչի կյանքի վերջին ամիսներից։ «Հնարավոր է նա չի ցանկացել բացել նամակը, քանի որ վախենում էր նամակում գտնել տհաճ նորություններ», -նշում է նա։
Մեկնաբանություններ