YEREVAN JAZZ FEST 2021

Արդեն ավանդույթ դարձած <<YEREVAN JAZZ FEST>> VII միջազգային փառատոնի շրջանակում նոյեմբերի 17-ին, Prime Hall-ում տեղի ունեցավ սիրված ARARAT Jazz Night-ը։
Երեկոյի հատուկ հյուրն էր` GRAMMY դափնեկիր, աշխարհահռչակ բասահար Ռիչարդ Բոնան։
<<YEREVAN JAZZ FEST>>-ն այս տարի կհամագործակցի «Ոսկե ծիրան» միջազգային կինոփառատոնի հետ։ Կինոյի տանը կցուցադրվի ջազային թեմայով <<Կեսգիշերի մոտ>> ֆիլմը՝ ջազի լեգենդ Հերբի Հենքոկի երաժշտությամբ։<<Կեսգիշերին մոտ>> ֆիլմին կնախորդի համերգ, որի ընթացքում երիտասարդ ջազ երաժիշտները կկատարեն ֆիլմում ներկայացված ստեղծագործությունների իրենց մշակումները։
<<YEREVAN JAZZ FEST>>-ը կկայանա նաև մարզերում. «Մալխաս» ջազ խումբը համերգով հանդես կգա Գորիսում, Վահագն Հայրապետյանն իր անսամբլով՝ Դիլիջանում։
Երևանի «Արամ Խաչատրյան» համերգասրահում տեղի կունենա <<YEREVAN JAZZ FEST>>-ի և Հայաստանի պետական ​​կամերային նվագախմբի համատեղ միջոցառումը։
Հայաստանի պետական ​​կամերային նվագախումբը և Վահագն Հայրապետյանի ջազ տրիոն ելույթ կունենան Առնո Բաբաջանյանի 100-ամյակին նվիրված համերգին։ Կհնչեն Բաբաջանյանի ստեղծագործությունները Վահագն Հայրապետյանի ջազային մշակմամբ։
<<YEREVAN JAZZ FEST>>VII միջազգային ջազ փառատոնը կավարտվի դեկտեմբերի 6-ին Արամ Խաչատրյան համերգասրահում աշխարհահռչակ թմբկահար Բիլլի Քոբամի և նրա խմբի կենդանի համերգով։ Այն նվիրված է սիրված ջազ երաժիշտ, թմբկահար, ջազի պատմաբան, ուսուցիչ Արմեն Թութունջյանի հիշատակին։