Մետալը ձևավորվել է 1970-ական թվականների կեսերին Անգլիայում և ԱՄՆ-ում: Հայաստանում մետալին շատ քչերն են ծանոթ:Ոմանք լսում են ուղղակի,ոմանք էլ խորացել են երաժշտության այս ժանրի մեջ ու այն համարում են առանձին արվեստ:Վերջին շրջանում մեր երկրում սկսել է ավելանալ մետալ խմբերի թիվը, սակայն ոչ բոլորն են հարկ համարում խոսել մետալի ու այն երիտասարդության մասին,որը նախընտրում է լսել ու զարգացնել երաժշտության այս ժանրը: Հենց այս հոդվածի միջոցով էլ ուզում եմ հանրության ուշադրությունը հրավիրել հայկական մետալ խմբերից մեկի գործունեությանը:
Rampant Beast-հինգ մետալիստներից բաղկացած «Black Speed Metal» խումբ:Մետալիստներն
են՝Լևոնը(MTH),Հայկը(Hoxie),Վարդանը(Slayer),Ժոզեֆը(Seph) ու Վանը:Վերջերս հարցազրույց ունեցա խմբի անդամների հետ։Ստորև կներկայացնեմ այն ամենը,ինչ իմացել եմ տղաներից հարցազրույցի ընթացքում:
—Ե՞րբ է ստեղծվել խումբը և ու՞մ կողմից:
-Խումբը ստեղծվել է 2019 թվականի հոկտեմբեր ամսին:Ի սկզբանե չի ունեցել ներկայիս կազմը:Սկզբում մենք որպես անհատ կատարողներ ենք հանդես եկել,մինչև որ չծանոթացանք իրար հետ «punk» համերգներից մեկի ժամանակ:Համերգին մասնակցում էին Լևոնը,Ժոզեֆը ու Վարդանը:Համերգին ներկա էի նաև ես:Ինձ էլ «Exodus»-ի վերնաշապիկով տեսնելուց հետո Slayer-ը գրեց,որ ուզում է խումբ ստեղծել:Ես իհարկե համաձայնեցի,որից հետո մենք միտքը հայտնեցինք Լևոնին և Ժոզեֆին ու արդյունքում ստեղծեցինք մեր առաջին խումբը՝«Intoxicated» անունով: Հետո խմբին միացավ Վանը:Մեկ տարի հետո խումբը անվանեցինք «Rampant Beast»,ու Slayer-ը ստեղծեց խմբի լոգոն:
Հայկ
—Ընտանիքի անդամների արձագանքը ինչպիսի՞ն էր:
-Պոզիտիվ:
Հայկ
-Շատ լավ,միշտ օգնում են:
Վարդան
-Սկզբից էդքան էլ լավ չէր,բայց արդեն համակերպվել են,որ խումբ ունենք:
Ժոզեֆ
-Ի սկզբանե շատ դրական էր,մինչև չիմացան՝ինչ ժանր է, ,ու ինչ ենք նվագում:Ես մեծացել եմ հավատացյալ ու ավելի շատ ազգային արմատներին մոտ ընտանիքում:Հետո էլ սկսեցի երգերի մեջ մի փոքր ազգային նոտաներ մտցնել:
Վան
-Իմ ծնողները վերաբերվում են նորմալ,լավ:Անձամբ ես կիսվում եմ ծնողներիս հետ համերգների հետ կապված հարցերով:
Լևոն
—Ինչու՞ հենց մետալ։
-Դե,անձամբ ես մեծացել եմ մետալ լսելով,հետո սկսել եմ նվագել կիթառ։Ես ուրիշ երաժշտություն չեմ էլ լսում։
Հայկ
-Ինձ համար մետալը հոգու արձագանքն է։Ցանկացած պահի երբ ինձ զգում եմ էմոցիոնալ ու ագրեսիվ,վերցնում եմ կիթառը ու մտքերս հանձնում եմ գործիքին։
Վան
-Դե,ես 12-13 տարեկանից սկսել եմ լսել մետալ,բայց ինձ մոտ էդքան էլ չէր ստացվում։Նախ ես խմբերին ծանոթ չէի,հետո էլ շատ դժվար էի ընկալում երաժշտությունը,ավելի ճիշտ՝<<ականջս սովոր չէր>>։Ինձ ավելի շատ դուր էր գալիս էն փաստը,որ ես լսում էի ծանր երաժշտություն։15 տարեկանում ինձ մեկը խորհուրդ տվեց լսել <<black metal >>,որը ինձ ավելի հոգեհարազատ էր։Ես համարում եմ,որ հենց էդ ժամանակվանից էլ սկսկեցի խորանալ ու մետալը ընկալել իր բոլոր կողմերով։
<<Մարդը ուղղակի չի լսում մետալ>>
Լևոն
-Ինձ համար մետալը մեծ նշանակություն ունի,ավելի շատ՝<<փախչել կյանքում տեղի ունեցող վատ իրավիճակներից>>։
Ժոզեֆ
—Ինչպիսի՞ հարաբերություններ ունեք միմյանց հետ։
-Խմբի անդամների հետ շատ լավ հարաբերություններ ունեմ,բոլորը ընկերներս են ու տարբեր թեմաներ ենք քննարկում իրար հետ։
Հայկ
-Մեր հարաբերությունները խիստ ընկերական են։Սկզբում վախենում էի,թե ինչպե՞ս ինձ կընդունեն,բայց հիմա ամեն ինչ լավ է,ու մի ընտանիք ենք։
Վան
—Մի քիչ պատմեք թե ինչպե՞ս եք գրում երգերը։
-Մենք երգերը ստուդիայում չենք գրում,բացարձակապես։Երգերը գրում ենք տանը,ձայնագրում ենք,ու ուղարկում իրար։Հետո ես գրում եմ տեքստը՝ռիթմիկան հասկանալով։ Ստուդիայում փորձում ենք,լավ ստացվելու դեպքում՝դառնում է երգերից մեկը։Երգերը գրելու ու խմբի անդամներին օգնելու համար ես սկսեցի նվագել կիթառ։Մեր տեքստերը կարող են լինել ոչ լրիվ գրագետ,բայց անկախ ամեն ինչից մենք հանդիսատեսին փոխանցում ենք էմոցիա։
Լևոն
<<Մետալը մաքուր էմոցիա է>>
—Կա՞ն ինչ—որ խմբեր կամ անհատ կատարողներ,որոնցից ոգեշնչվել եք նախքան խումբ ստեղծելը։
-Գլխավոր ոգեշնչող արտիստը եղել է Թոնի Այոմին։Առաջին կիթառահարն է եղել,որին լսել եմ ու շատ է տպավորվել իմ մեջ։
Վան
-Իրականում շատ-շատ են խմբերը,բայց մի քանիսը ասեմ՝Sodom,Venom,Razor,Destruction,Deathhammer:
Հայկ
Խմբի առաջին համերգը տեղի է ունեցել 2021 թվականի օգոստոսի 8-ին:Համերգից հետո Rampant Beast խմբի երկրպագուների թիվը նկատելի ավելացավ:2-րդ համերգը տեղի ունեցավ նույն տարվա հոկտեմբերի 24-ին,նույն տեղում:
-Մեր առաջին համերգը իրականում շատ հեշտ կազմակերպվեց։Համերգից հետո շատ մարդիկ մեզ ճանաչեցին,ու մետալ լսողների համար մենք դարձանք լսելի ու բավականին հետաքրքիր խումբ։Համերգից հետո ներկաներից մեկը,որը,ի դեպ,գերմանացի էր,ասաց՝<< էս ատմասֆերայից վերջին անգամ ստացել եմ 1980-ականների ժամանակ՝Iron Maiden-ի համերգին>>։
Լևոն
Այն հարցին,թե ինչ հույսեր ունեն խմբի հետ կապված,և արդյո՞ք ունեն նպատակ խումբը հասցնել համաշխարհային մակարդակի,մետալիստները պատասխանեցին.
-Մոտակա ժամանակներս՝ մինչև Վանի բանակ գնալը,պետք է ալբոմ ձայնագրենք:Խմբում կմնանք չորսով, ու ավելի լուրջ աշխատանք պիտի տանենք,որ լրացնենք Վանի՝չլրացվող տեղը:Վերջին տվյալներով խմբում նոր անդամ չի ավելանալու,ու գլխավոր նպատակը խմբի ալբոմները Կալիֆորնիայում վաճառելն է,քանի որ Հայաստանում դրանց վաճառքը չի համարվի ստացված:
Հայկ
Rampant Beast-ի մետալիստները վստահ են,որ Հայաատանում մետալը զարգացնելու համար իրենց գործունեությունը անհրաժեշտ է,որոշ տեղերում էլ՝պարտադիր։
Մեկնաբանություններ